Contents -BIBLIOGRAPHIC RECORD

St. John Lucas, comp. (1879–1934). The Oxford Book of French Verse. 1920.

Joachim Du Bellay 1525–†1560

77. Sonnets

iv

MALHEUREUX l’an, le mois, le jour, l’heure, et le poinct,

Et malheureuse soit la flateuse esperance,

Quand pour venir icy j’abandonnay la France:

La France, et mon Anjou, dont le desir me poingt.

Vrayment d’un bon oyseau guidé je ne fus point,

Et mon cœur me donnoit assez significance,

Que le ciel estoit plein de mauvaise influence,

Et que Mars estoit lors à Saturne conjoint.

Cent fois le bon advis lors m’en voulut distraire,

Mais tousjours le destin me tiroit au contraire:

Et si mon desir n’eust aveuglé ma raison,

N’estoit-ce pas assez pour rompre mon voyage,

Quand sur le sueil de l’huis, d’un sinistre presage,

Je me blessay le pied sortant de ma maison?