dots-menu
×

Home  »  The Poems and Songs  »  512 . Song—Guid ale keeps the heart aboon

Robert Burns (1759–1796). Poems and Songs.
The Harvard Classics. 1909–14.

512 . Song—Guid ale keeps the heart aboon

Chorus—O gude ale comes and gude ale goes;

Gude ale gars me sell my hose,

Sell my hose, and pawn my shoon—

Gude ale keeps my heart aboon!

I HAD sax owsen in a pleugh,

And they drew a’ weel eneugh:

I sell’d them a’ just ane by ane—

Gude ale keeps the heart aboon!

O gude ale comes, &c.

Gude ale hauds me bare and busy,

Gars me moop wi’ the servant hizzie,

Stand i’ the stool when I hae done—

Gude ale keeps the heart aboon!

O gude ale comes, &c.