Verse > Harvard Classics > Robert Burns > Poems and Songs
  PREVIOUS NEXT  
CONTENTS · BOOK CONTENTS · BIBLIOGRAPHIC RECORD · GLOSSARY
Robert Burns (1759–1796).  Poems and Songs.
The Harvard Classics.  1909–14.
 
392. Song—Poortith cauld and restless love
 
 
Tune—“Cauld Kail in Aberdeen.”
 
 
O POORTITH cauld, and restless love,
  Ye wrack my peace between ye;
Yet poortith a’ I could forgive,
  An ’twere na for my Jeanie.
 
Chorus.—O why should Fate sic pleasure have,        5
  Life’s dearest bands untwining?
Or why sae sweet a flower as love
  Depend on Fortune’s shining?
 
The warld’s wealth, when I think on,
  It’s pride and a’ the lave o’t;        10
O fie on silly coward man,
  That he should be the slave o’t!
      O why, &c.
 
Her e’en, sae bonie blue, betray
  How she repays my passion;        15
But prudence is her o’erword aye,
  She talks o’ rank and fashion.
      O why, &c.
 
O wha can prudence think upon,
  And sic a lassie by him?        20
O wha can prudence think upon,
  And sae in love as I am?
      O why, &c.
 
How blest the simple cotter’s fate!
  He woos his artless dearie;        25
The silly bogles, wealth and state,
  Can never make him eerie,
      O why, &c.
 

CONTENTS · BOOK CONTENTS · BIBLIOGRAPHIC RECORD · GLOSSARY
  PREVIOUS NEXT  
 
Loading
Click here to shop the Bartleby Bookstore.

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2014 Bartleby.com · [Top 150] · Subjects · Titles · Authors