"O, my Luve 's like a red, red rose." Robert Burns (1759-1796). II. Parting and Absence. Bliss Carman, et al., eds. 1904. The World's Best Poetry. III. Sorrow and Consolation

Bliss Carman, et al., eds. The World’s Best Poetry.
Volume III. Sorrow and Consolation. 1904.

II. Parting and Absence

“O, my Luve ’s like a red, red rose”

Robert Burns (1759–1796)


O, MY Luve ’s like a red, red rose
That ’s newly sprung in June:
O, my Luve ’s like the melodie
That ’s sweetly played in tune.

As fair art thou, my bonnie lass,	5
So deep in luve am I:
And I will luve thee still, my dear,
Till a’ the seas gang dry:

Till a’ the seas gang dry, my dear,
And the rocks melt wi’ the sun:	10
And I will luve thee still, my dear,
While the sands o’ life shall run.

And fare thee weel, my only Luve!
And fare thee weel awhile!
And I will come again, my Luve,	15
Tho’ it were ten thousand mile.