James Logie Robertson (‘Hugh Haliburton’) (1846–1922)

FRA whaur in fragrant wuds ye bide

Secure fra winter care,

Come, gentle Spring, to Ochilside

And Ochil valleys fair.

For sweet as ony pagan spring

Are Devon’s watters clear;

And life wad be a lovely thing

Gif ye were only here.

She comes! the waffin’ o’ her wings

Wi’ music fills the air;

An’ wintry thochts o’ men an’ things

Vex human hearts nae mair.

On Devon banks wi’ me she strays,

Her poet for the while,

And Ochil brooks and Ochil braes

Grow classic in her smile!