Verse > Anthologies > T. R. Smith, ed. > Poetica Erotica: A Collection of Rare and Curious Amatory Verse
  PREVIOUSNEXT  
CONTENTS · BIBLIOGRAPHIC RECORD
T. R. Smith, comp.  Poetica Erotica: Rare and Curious Amatory Verse.  1921–22.
 
“O Mither Dear, I ’Gin to Fear”
Anonymous
 
(Words from Thomson’s Orpheus Caledonius, 1733)

O MITHER dear, I ’gin to fear,
  Tho’ I’m baith good, and bonny,
I winna keep; for in my Sleep
  I start and dream of Johnny.
When Johnny then comes down the Glen,        5
  To woo me dinna hinder;
But with Content gi’ your Consent;
  For we twa ne’er can sinder.
 
Better to marry, than miscarry;
  For Shame and Skaith’s the Clink o’t,        10
To thole the Dool, to mount the Stool
  I downa’ bide to think o’t:
Sae while ’tis time, I’ll shun the Crime,
  That gars poor Epps gae whinging,
With Hainches fow, and Een sae blew,        15
  To a’ the Bedrals bindging.
 
Had Eppy’s Apron bidden down,
  The Kirk had ne’er a kend it;
But when the Word’s gane thro’ the town
  Alake! how can she mend it?        20
Now Tam maun face the Minister,
  And she maun mount the Pillar;
And that’s the way that they maun gae
  For poor Folk has na Siller.
 
Now ha’d ye’r Tongue, my Daughter young,        25
  Reply’d the kindly Mither,
Get Johnny’s Hand in holy Band,
  Syne wap ye’r Wealth together.
I’m o’ the mind, if he be kind,
  Ye’ll do your part discreetly;        30
And prove a Wife, will gar his Life,
  And Barrel run right sweetly.
 
 
CONTENTS · BIBLIOGRAPHIC RECORD
  PREVIOUSNEXT  
 
Loading
Click here to shop the Bartleby Bookstore.

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2014 Bartleby.com · [Top 150] · Subjects · Titles · Authors