Robert Burns (1759-1796). Auld Lang Syne. William Stanley Braithwaite, ed. 1909. The Book of Georgian Verse

William Stanley Braithwaite, ed. The Book of Georgian Verse. 1909.

Auld Lang Syne

By Robert Burns (1759–1796)


SHOULD auld acquaintance be forgot,
And never brought to min’?
Should auld acquaintance be forgot,
And days o’ lang syne?

We twa hae rin about the braes,	5
And pou’d the gowans fine;
But we’ve wander’d mony a weary fit,
Sin’ auld lang syne. For auld, etc.

We twa hae paidl’d in the burn,
Frae morning sun till dine;	10
But seas between us braid hae roar’d
Sin’ auld lang syne. For auld, etc.

And here’s a hand, my trusty fere!
And gie’s a hand o’ thine!
And we’ll tak a right gude-willie waught,	15
For auld lang syne. For auld, etc.

And surely ye’ll be your pint stowp!
And surely I’ll be mine!
And we’ll tak a cup o’ kindness yet,
For auld lang syne.	20

For auld lang syne, my dear,
For auld lang syne,
We’ll tak a cup o’ kindness yet,
For auld lang syne.