| William Stanley Braithwaite, ed. The Book of Georgian Verse. 1909. | | | | O, Are Ye Sleepin’, Maggie? | | By Robert Tannahill (1774–1810) |
| | | O, ARE ye sleepin’, Maggie? | |
| O, are ye sleepin’, Maggie? | |
| Let me in, for loud the linn | |
| Is roaring o’er the warlock craigie! | |
| |
| Mirk and rainy is the night; | 5 |
| No a starn in a’ the carry: | |
| Lightnings gleam athwart the lift, | |
| And winds drive wi’ winter’s fury. | |
| |
| Fearfu’ soughs the bour-tree bank; | |
| The rifted wood roars wild and drearie; | 10 |
| Loud the iron yett does clank; | |
| And cry o’ howlets mak’s me eerie. | |
| |
| Aboon my breath I daurna speak, | |
| For fear I rouse your waukrife daddy; | |
| Cauld’s the blast upon my cheek: | 15 |
| O rise, rise, my bonnie laddy! | |
| |
| She oped the door; she let me in: | |
| I cuist aside my dreepin’ plaidie; | |
| Blaw your warst, ye rain and win’, | |
| Since, Maggie, now I’m in beside ye! | 20 |
| |
| Now, since ye’re waukin’, Maggie, | |
| Now, since ye’re waukin’, Maggie, | |
| What care I for howlet’s cry, | |
| For bour-tree bank and warlock craigie? | | | | |
|
|
