Verse > Anthologies > William Stanley Braithwaite, ed. > The Book of Georgian Verse
  PREVIOUSNEXT  
CONTENTS · GLOSSARY · BIBLIOGRAPHIC RECORD
William Stanley Braithwaite, ed.  The Book of Georgian Verse.  1909.
 
Gloomy Winter’s Now Awa’
By Robert Tannahill (1774–1810)
 
GLOOMY winter’s now awa’,
Saft the westlan’ breezes blaw,
’Mang the birks o’ Stanley-shaw
  The mavis sings fu’ cheerie, O!
Sweet the crawflower’s 1 early bell        5
Decks Gleniffer’s dewy dell,
Blooming like thy bonnie sel’;
  My young, my artless dearie, O!
 
Come, my lassie, let us stray
O’er Glenkilloch’s sunny brae,        10
Blithely spend the gowden day
  ’Midst joys that never weary, O!
Towering o’er the Newton wuds,
Laverocks fan the snaw-white cluds,
Siller saughs, wi’ downy buds,        15
  Adorn the banks sae briery, O!
 
Round the sylvan fairy nooks
Feath’ry breckans fringe the rocks,
’Neath the brae the burnie jouks,
  And ilka thing is cheerie, O!        20
Trees may bud, and birds may sing,
Flowers may bloom, and verdure spring,
Joy to me they canna bring,
  Unless wi’ thee, my dearie, O!
 
Note 1. Crawflower: wild hyacinth, or harebell. [back]
 
 
CONTENTS · GLOSSARY · BIBLIOGRAPHIC RECORD
  PREVIOUSNEXT  
 
Loading
Click here to shop the Bartleby Bookstore.

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2014 Bartleby.com · [Top 150] · Subjects · Titles · Authors