| |
| FIFE, an’ a’ the land about it, | |
| Fife, an’ a’ the land about it; | |
| May health an’ peace an’ plenty glad | |
| Fair Fife, an’ a’ the land about it. | |
| |
| We ’ll raise the song on highest key, | 5 |
| Through every grove till echo shout it; | |
| The sweet enchantin’ theme shall be, | |
| Fair Fife, an’ a’ the land about it. | |
| |
| Her braid an’ lang extended vales | |
| Are clad wi’ corn, a’ wavin’ yellow; | 10 |
| Her flocks an’ herds crown a’ her hills; | |
| Her woods resound wi’ music mellow. | |
| |
| Her waters pastime sweet afford | |
| To ane an’ a’ wha like to angle; | |
| The seats o’ mony a laird an’ lord, | 15 |
| Her plains, as stars the sky, bespangle. | |
| |
| In ilka town an’ village gay, | |
| Hark! Thrift her wheel an’ loom are usin’; | |
| While to an’ frae each port an’ bay, | |
| See wealthy Commerce briskly cruisin’. | 20 |
| |
| Her maids are frugal, modest, fair, | |
| As lilies by her burnies growin’; | |
| An’ ilka swain may here repair, | |
| Whase heart wi’ virt’ous love is glowin’. | |
| |
| In peace, her sons like lammies mild, | 25 |
| Are lightsome, friendly, an’ engagin’; | |
| In war they ’re loyal, bauld, an’ wild | |
| As lions roused an’ fiercely ragin’. | |
| |
| May auld an’ young ha’e meat an’ claes; | |
| May wark an’ wages aye be plenty; | 30 |
| An’ may the sun to latest days | |
| See Fife an’ a’ her bairnies canty. | |
| |
| Fife, an’ a’ the land about it, | |
| Fife, an’ a’ the land about it; | |
| May health an’ peace an’ plenty glad | 35 |
| Fair Fife, an’ a’ the land about it. | |
| |
