| |
| YE princes’ sonnes, yeild to the Lorde, | |
| Yeild him all force and gloire, | |
| And yeild to him the honoure deu | |
| Unto his name thairfoire. | |
| |
| Inclyne and bou youre selfis adoune, | 5 |
| Adore Iehoua great, | |
| Qwho sittis most gloriously upon | |
| His throne and holy seat. | |
| |
| The uoice of God on watteris ringis, | |
| And makis a woundrouse sound; | 10 |
| Strong glorious God doth thunder his uoyce | |
| On watteris that abound. | |
| |
| The uoyce of God cummis semely furth, | |
| His uoyce cummis furth with micht; | |
| Iehoua’s uoyce the cedres breakis, | 15 |
| Euin Liban cedres uicht; | |
| |
| And makis thaime as a calfe to skipp, | |
| Trudge Liban Sirion eik, | |
| Lyke to the faune of unicornis | |
| Will leape when he doth speik. | 20 |
| |
| His uoyce makis uildernessis murne, | |
| And quenchis flammes of fyre; | |
| Euen the desertis of Kades large | |
| May not abyde his yre. | |
| |
| Iehoua’s uoice makis hyndes to calve, | 25 |
| And bareis the forrestis grene, | |
| Bot in his temple all his gloire | |
| He shouis, and makis be sene. | |
| |
| Iehoua sate in the deluge, | |
| And sittis a king for aye; | 30 |
| He also to his people giuis | |
| The force thay haue alluaye. | |
| |
| The same Iehoua great doth blesse | |
| His people uell belovid | |
| With great tranquillitie and peace: | 35 |
| Pray it be not remouid. | |
| |
