To Cornelius Nepos: A Dedication by Caius Valerius Catullus. Heathcote William Garrod, comp. 1912. The Oxford Book of Latin Verse

Heathcote William Garrod, comp. (1878–1960). The Oxford Book of Latin Verse. 1912.

To Cornelius Nepos: A Dedication

Caius Valerius Catullus (84? B.C.–54? B.C.)


QVOI dono lepidum nouum libellum
arido modo pumice expolitum?
Corneli, tibi: namque tu solebas
meas esse aliquid putare nugas;
iam tum cum ausus es unus Italorum	5
omne aeuum tribus explicare cartis
doctis, Iuppiter, et laboriosis.
quare habe tibi quidquid hoc libelli
qualecumque; quod, o patrona uirgo,
plus uno maneat perenne saeclo.	10