dots-menu
×

Home  »  The Oxford Book of Latin Verse  »  The Peacock and the Crane

Heathcote William Garrod, comp. (1878–1960). The Oxford Book of Latin Verse. 1912.

Avianus circa 400 A.D. (?)

The Peacock and the Crane

THREICIAM uolucrem fertur Iunonius ales

communi sociam non tenuisse cibo

(nam propter uarias fuerat discordia formas,

magnaque de facili iurgia lite trahunt),

quod sibi multimodo fulgerent membra decore,

caeruleam facerent liuida terga gruem;

et simul erectae circumdans tegmina caudae

sparserat arcatum sursus in astra iubar.

illa licet nullo pinnarum certet honore,

his tamen insultans uocibus usa datur:

‘quamuis innumerus plumas uariauerit ordo,

mersus humi semper florida terga geris:

ast ego deformi sublimis in aera pinna

proxima sideribus numinibusque feror.’