Heathcote William Garrod, comp. (1878–1960). The Oxford Book of Latin Verse. 1912.

M. Pacuvius 220–130 B.C.

Genitabile Caelum

HOC uide circum supraque quod complexu continet terram

solisque exortu capessit candorem, occasu nigret,

id quod nostri caelum memorant, Grai perhibent aethera:

quidquid est hoc, omnia animat format alit auget creat

sepelit recipitque in sese omnia, omniumque idem est pater,

indidemque eadem aeque oriuntur de integro atque eodem occidunt.