| Heathcote William Garrod, comp. (1878–1960). The Oxford Book of Latin Verse. 1912. |
| |
| Roses and Thorns |
| | | Anonymous (circa 400 A.D. (?)) |
| |
| |
| QVIS deus hoc medium uallauit uepribus aurum, | |
| iussit et inclusam sentibus esse rosam? | |
| aspicite ut magni coeant in foedus amantes: | |
| Martem spina refert, flos Veneris speculum est. | |
| quid tibi cum magnis, puer, est, lasciue, sagittis? | 5 |
| hoc melius telo pungere corda potes! | |
| nec flammas quaeras, sit ut alti pectoris ignis, | |
| set tibi tormentum praebeat ista facis. | |
| pallens herba rubet: color est hic semper amantum; | |
| tam fugitiua rosa est quam fugitiuus amor. | 10 |
| nam quod floricomis gaudet lasciua metallis, | |
| aurum significat uilius esse rosa. | |
| |
|
|
|
