| Heathcote William Garrod, comp. (1878–1960). The Oxford Book of Latin Verse. 1912. |
| |
| In Memory of his Teacher, Nepotianus |
| | | Ausonius (c.310–c.395) |
| |
| |
| FACETE, comis, animo iuuenali senex, | |
| cui felle nullo, melle multo mens madens | |
| aeuum per omne nil amarum miscuit, | |
| medulla nostri, Nepotiane, pectoris: | |
| tam seriorum quam iocorum particeps, | 5 |
| taciturne, Amyclas ut silendo uiceris, | |
| te fabulantem non Vlixes linqueret, | |
| liquit canentis qui melodas uirgines: | |
| probe et pudice, parce, frugi, abstemie: | |
| facunde, nulli rhetorum cedens stilo, | 10 |
| et disputator ad Cleanthen stoicus, | |
| Scaurum Probumque corde callens intimo | |
| et Epirote Cinea memor magis: | |
| sodalis et conuictor, hospes iugiter, | |
| parum quod hospes, mentis agitator meae. | 15 |
| consilia nullus mente tam pura dedit | |
| uel altiore conditu texit data. | |
| honore gesti praesidatus inclitus, | |
| decies nouenas functus annorum uices, | |
| duos relinquens liberos, mortem oppetis, | 20 |
| dolore multo quam tuorum tam meo. | |
| |
|
|
|
