A Picture of Echo by Ausonius. Heathcote William Garrod, comp. 1912. The Oxford Book of Latin Verse

Heathcote William Garrod, comp. (1878–1960). The Oxford Book of Latin Verse. 1912.

A Picture of Echo

Ausonius (c.310–c.395)


VANE, quid affectas faciem mihi ponere, pictor,
ignotamque oculis sollicitare deam?
aëris et linguae sum filia, mater inanis
indicii, uocem quae sine mente gero.
extremos pereunte modos a fine reducens	5
ludificata sequor uerba aliena meis.
auribus in uestris habito penetrabilis echo:
me si uis similem pingere, pinge sonum.