In Commendation of his Book by Ausonius. Heathcote William Garrod, comp. 1912. The Oxford Book of Latin Verse

Heathcote William Garrod, comp. (1878–1960). The Oxford Book of Latin Verse. 1912.

In Commendation of his Book

Ausonius (c.310–c.395)


EST quod mane legas, est et quod uespere. laetis
seria miscuimus, temperie ut placeant.
non unus uitae color est nec carminis unus
lector: habet tempus pagina quaeque suum.
hoc mitrata Venus probat, hoc galeata Minerua,	5
Stoicus has partis, has Epicurus amat.
salua mihi ueterum maneat dum regula morum,
plaudat permissis sobria Musa iocis.