Heathcote William Garrod, comp. (1878–1960). The Oxford Book of Latin Verse. 1912.

Ausonius c.310–c.395

To his Wife

VXOR, uiuamusque ut uiximus et teneamus

nomina, quae primo sumpsimus in thalamo:

nec ferat ulla dies, ut commutemur in aeuo,

quin tibi sim iuuenis tuque puella mihi.

Nestore sim quamuis prouectior aemulaque annis

uincas Cumanam tu quoque Deiphoben,

nos ignoremus quid sit matura senectus.

scire aeui meritum, non numerare decet.