| Heathcote William Garrod, comp. (1878–1960). The Oxford Book of Latin Verse. 1912. |
| |
| Dedication |
| | | Ausonius (c.310–c.395) |
| |
| |
| ‘CVI dono lepidum nouum libellum?’ | |
| Veronensis ait poeta quondam, | |
| inuentoque dedit statim Nepoti. | |
| at nos inlepidum, rudem libellum, | |
| burras quisquilias ineptiasque, | 5 |
| credemus gremio cui fouendum? | |
| inueni, trepidae silete nugae, | |
| nec doctum minus et magis benignum, | |
| quam quem Gallia praebuit Catullo. | |
| hoc nullus mihi carior meorum, | 10 |
| quem pluris faciunt nouem sorores, | |
| quam cunctos alios, Marone dempto. | |
| Pacatum haut dubie, poeta, dicis. | |
| ipse est. intrepide uolate, uersus, | |
| et nidum in gremio fouete tuto. | 15 |
| hic uos diligere, hic uolet tueri: | |
| ignoscenda teget, probata tradet: | |
| post hunc iudicium timete nullum. | |
| |
|
|
|
