dots-menu
×

Home  »  The Oxford Book of Latin Verse  »  The Conditions of Friendship

Heathcote William Garrod, comp. (1878–1960). The Oxford Book of Latin Verse. 1912.

Martial c.A.D. 40–c.A.D. 104

The Conditions of Friendship

TRIGINTA mihi quattuorque messes

tecum, si memini, fuere, Iuli.

quarum dulcia mixta sunt amaris,

sed iucunda tamen fuere plura.

et si calculus omnis huc et illuc

diuersus bicolorque digeratur,

uincet candida turba nigriorem.

si uitare uoles acerba quaedam

et tristis animi cauere morsus,

nulli te facias nimis sodalem.

gaudebis minus et minus dolebis.