Heathcote William Garrod, comp. (1878–1960). The Oxford Book of Latin Verse. 1912.

Martial c.A.D. 40–c.A.D. 104

Diadumenos

QVOD spirat tenera malum mordente puella,

quod de Corycio quae uenit aura croco;

uinea quod primis cum floret cana racemis,

gramina quod redolent, quae modo carpsit ouis;

quod myrtus, quod messor Arabs, quod sucina trita,

pallidus Eoo ture quod ignis olet;

gleba quod aestiuo leuiter cum spargitur imbre,

quod madidas nardo passa corona comas:

hoc tua, saeue puer Diadumene, basia fragrant.

quid si tota dares illa sine inuidia?