| Heathcote William Garrod, comp. (1878–1960). The Oxford Book of Latin Verse. 1912. |
| |
| Cassandra. ii |
| | | Quintus Ennius (239–169? B.C.) |
| |
| |
| MEA mater grauida parere se ardentem facem | |
| uisa est in somnis Hecuba; quo facto pater | |
| rex ipse Priamus somnio mentis metu | |
| perculsus curis sumptus suspirantibus | |
| exsacrificabat hostiis balantibus. | 5 |
| tum coniecturam postulat pacem petens | |
| ut se edoceret obsecrans Apollinem | |
| quo sese uertant tantae sortes somnium. | |
| ibi ex oraclo uoce diuina edidit | |
| Apollo puerum primus Priamo qui foret | 10 |
| postilla natus temperaret tollere: | |
| eum esse exitium Troiae, pestem Pergamo. | |
| |
|
|
|
