dots-menu
×

Home  »  The Oxford Book of Latin Verse  »  Cassandra. i

Heathcote William Garrod, comp. (1878–1960). The Oxford Book of Latin Verse. 1912.

Quintus Ennius 239–169? B.C.

Cassandra. i

MATER optuma, tu multo mulier melior mulierum,

missa sum superstitiosis hariolationibus,

meque Apollo fatis fandis dementem inuitam ciet.

uirgines uereor aequalis, patris mei meum factum pudet,

optumi uiri. mea mater, tui me miseret, mei piget:

optumam progeniem Priamo peperisti extra me; hoc dolet;

men obesse, illos prodesse, me obstare, illos obsequi.

adest, adest fax obuoluta sanguine atque incendio,

multos annos latuit, ciues, ferte opem et restinguite.

imaque mari magno classis cita

texitur, exitium examen rapit:

adueniet, fera ueliuolantibus

nauibus complebit manus litora…eheu uidete:

iudicauit inclitum iudicium inter deas tris aliquis:

quo iudicio Lacedaemona mulier Furiarum una anueniet.