dots-menu
×

Home  »  The Oxford Book of Latin Verse  »  Corsica

Heathcote William Garrod, comp. (1878–1960). The Oxford Book of Latin Verse. 1912.

Seneca, the younger c.3 B.C.–A.D. 65

Corsica

BARBARA praeruptis inclusa est Corsica saxis,

horrida, desertis undique uasta locis.

non poma autumnus, segetes non educat aestas

canaque Palladio munere bruma caret.

imbriferum nullo uer est laetabile fetu

nullaque in infausto nascitur herba solo.

non panis, non haustus aquae, non ultimus ignis:

hic sola haec duo sunt, exsul et exsilium.