dots-menu
×

Home  »  The Oxford Book of Latin Verse  »  Toga Cedit Armis

Heathcote William Garrod, comp. (1878–1960). The Oxford Book of Latin Verse. 1912.

Quintus Ennius 239–169? B.C.

Toga Cedit Armis

POSTQVAM Discordia taetra

belli ferratos postes portasque refregit,

pellitur e medio sapientia, ui geritur res,

spernitur orator bonus, horridus miles amatur.

haut doctis dictis certantes nec maledictis

miscent inter sese inimicitiam agitantes,

non ex iure manum consertum, sed magis ferro

rem repetunt regnumque petunt, uadunt solida ui.