Verse > Anthologies > Heathcote William Garrod, comp. > The Oxford Book of Latin Verse
See also: Horace Quotations
  PREVIOUS NEXT  
CONTENTS · BIBLIOGRAPHIC RECORD
Heathcote William Garrod, comp. (1878–1960).  The Oxford Book of Latin Verse.  1912.
 
Welcome home to Pompeius
 
Horace (65 B.C.–8 B.C.)
 
 
OSAEPE mecum tempus in ultimum
  deducte Bruto militiae duce,
quis te redonauit Quiritem
  dis patriis Italoque caelo,
 
Pompei, meorum prime sodalium?        5
cum quo morantem saepe diem mero
  fregi, coronatus nitentis
    malobathro Syrio capillos.
 
tecum Philippos et celerem fugam
sensi relicta non bene parmula,        10
  cum fracta uirtus, et minaces
    turpe solum tetigere mento;
 
sed me per hostis Mercurius celer
denso pauentem sustulit aere,
  te rursus in bellum resorbens        15
    unda fretis tulit aestuosis.
 
ergo obligatam redde Ioui dapem
longaque fessum militia latus
  depone sub lauru mea nec
    parce cadis tibi destinatis.        20
 
obliuioso leuia Massico
ciboria exple, funde capacibus
  unguenta de conchis. quis udo
    deproperare apio coronas
 
curatue myrto? quem Venus arbitrum        25
dicet bibendi? non ego sanius
  bacchabor Edonis: recepto
    dulce mihi furere est amico.
 

CONTENTS · BIBLIOGRAPHIC RECORD
  PREVIOUS NEXT  
 
Loading
Click here to shop the Bartleby Bookstore.

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2014 Bartleby.com · [Top 150] · Subjects · Titles · Authors