dots-menu
×

Home  »  The Oxford Book of French Verse  »  28. Rondeaux

St. John Lucas, comp. (1879–1934). The Oxford Book of French Verse. 1920.

Charles D’Orleans 1391–†1465

28. Rondeaux

v

LAISSEZ-MOY penser à mon aise,

Hélas! donnez m’en le loysir.

Je devise avecques Plaisir,

Combien que ma bouche se taise.

Quand Merencolie mauvaise

Me vient maintes fois assaillir,

Laissez-moy penser à mon aise,

Hélas! donnez m’en le loysir.

Car afin que mon cueur rapaise,

J’appelle Plaisant-Souvenir,

Qui tantost me vient resjoüir.

Pour ce, pour Dieu! ne vous desplaise,

Laissez-moy penser à mon aise.