Verse > Anthologies > St. John Lucas, comp. > The Oxford Book of French Verse
  PREVIOUS NEXT  
CONTENTS · BIBLIOGRAPHIC RECORD
St. John Lucas, comp. (1879–1934).  The Oxford Book of French Verse.  1920.
 
21. Ballades
 
ii
 
Charles D’Orleans (1391–†1465)
 
 
NOUVELLES ont couru en France
Par maints lieux, que j’estoye mort;
Dont avoient peu de desplaisance
Aucuns qui me hayent à tort.
Autres en ont eu desconfort,        5
Qui m’ayment de loyal vouloir,
Comme mes bons et vrais amis.
Si fais à toutes gens sçavoir
Qu’encore est vive la souris.
 
Je n’ay éu mal ne grevance,        10
Dieu mercy, mais suis sain et fort;
Et passe temps en esperance
Que Paix, qui trop longuement dort,
S’esveillera et par accort
A tous fera liesse avoir.        15
Pour ce, de Dieu soient maudis
Ceulx qui sont dolents de veoir
Qu’encore est vive la souris.
 
Jeunesse sur moi a puissance;
Mais Vieillesse fait son esfort        20
De m’avoir en sa gouvernance,
A present faillira son sort:
Je suis assez loin de son port.
De plourir vueil garder mon hoir
Loué soit Dieu de paradis        25
Qui m’a donné force et povoir
Qu’encore est vive la souris.
 
ENVOI

Nul ne porte pour moy le noir,
On vent meillieur marché drap gris;
Or, tiengne chascun, pour tout voir,        30
Qu’encore est vive la souris.
 

CONTENTS · BIBLIOGRAPHIC RECORD
  PREVIOUS NEXT  
 
Loading
Click here to shop the Bartleby Bookstore.

Shakespeare · Bible · Strunk · Anatomy · Nonfiction · Quotations · Reference · Fiction · Poetry
© 1993–2014 Bartleby.com · [Top 150] · Subjects · Titles · Authors